: بسم الله الرحمن الرحيم ::
السلام عليكم ورحمة الله وبركاته
كتير مننا كشباب وكبار ومختلف الاعمار لما بنصلى سواء كنا ملتزمين
او الصلاوات اللى بنصليها صدفة كل فين وفين
مش بنحس بمتعة ولا خشوووووع
وتضرب عينك فى التلفزيون تلاقى عمك محمد جبريل بيصلى
والناس وراة مدياهاااااااا عياط واييية كأن الراجل من دول مركب من عينة حنفية او بيقشر بصل
طب دول ناس بتمثل ولا احنا اللى فينا حاجة غلط يا عم الحااااااااج !!!
طب عايزين نعرف سر الناس دى اييييييييييييييييييية والسؤال يطرح نفسة
س /ماهو سر الحنفية ؟؟!!
طب نخووووش ع النت كدا ونضرب سيرش على الشيخ جوجل ونشوف كدا شوية دروس
وفجأة مئات الدروووس والخطب عن الخشوف والصلاة وتسمع الشيخ دا والشيخ دا والشيخ دا ... انت ادام ربنا والصلاة نعمة من عند الله وقال الله وقال الرسول والصحابة والسلف كانوا بيعملوا كذا كذا ....... طبعا احنا بعد ما نسمع (لو كملنا سماع الدرس اصلا ) ولا فرقت الصلاة ولا فهمنا حاجة وبردة مش بنحس بحاجة !!
تروح للشيخ الفلانى فى الجامع الفلانى وتجرى ورا الراجل ابو دقن دا وشة بينور وممكن يقولى
وتفضل من هنا لهنا فى الاخر بتمل وتزهق وتقول انا ربنا غضبان عنى والعيب فية انا
ودى احد اسباب ان الواحد مش بيصلى او مش بينجذب للصلاة على فكرة يا رجالة
يعنى مثلا اللى بيخلينا نحب ماتشات الكورة او المسلسل او الافلام او البلاى ستيشن اننا بنحس بمتعة فية انما بما ان الواحد مش بيحس بحاجة فى الصلاة فلية اصلى ودا احساس داخلى ونفسى
طيب وبعد الرغى دا كلة استفدنا اية بئى؟؟
هقولك انت لية مش بتحس بالصلاة لانك مش عارف يعنى ايه سبحان الله
ومش عارف معنى الكلام اللى انت بتقولة فى الصلاة ولا سبب الكلام والحركات
والادعية وغيرها
مع سلسلة الشيخ مشارى الخراز بعنوان
" كيف تتلذذ فى الصلاه "
نبذة عن السلسلة
اثارت سلسلة من المحاضرات حول ..كيفية التلذذ في الصلاة.. للداعية الكويتي الشاب مشاري الخراز اهتماما واسعا في الكويت، حيث حضر الدورة 25 ألفا في المسجد الكبير
الشيخ بيقول ان فى احصائية أتعملت على الى حاضروا الدورة 90% منهم صلاتهم اتغيرت
وعلى فكرة الشيخ شاب زينا ووسيم وحليوة وكلامة حلو واسلوبة جميل ولسانة بينقط شهد وبينى وبينكم مش زى اى درس انت سمعته جرب وان شاء الله اكييييييد صلاتك هتتغير او ممكن تتابع على اليوتيوب اكتب فى مكان البحث فى اليوتيوب كيف تتلذذ بالصلاة ؟ وهتلاقى سلسلة الدرس كاملة ان شاء الله
[/b]
